Lesekonkurranse

I veke 46 og 47 i arrangerar skulen lesekonkurranse. Desse vekene konkurrerer klassane, og elevane, om å bli årets beste leseklasse og beste leseelev!

Elevane samlar poeng for lesetid i skuletida. Vi tel tid – ikkje sider, slik at alle kan bidra etter sine føresetnadar.

Lesinga kan skje i alle fag på skulen. Eksempel på lesetid er lesekvart, eigenlesing, høgtlesing, lydbok, lekselesing eller lesing av tekst i naturfag. Lesing i alle fag skal telle.

I tillegg kan elevane samle «ekstraminuttar» til seg sjølv og klassen sin ved å skrive bokmeldingar. Desse vil bli samla i permar og kan brukast av andre elevar som inspirasjon til å finne nye bøker.

I denne perioden vil skulebiblioteket ha oppe litt ekstra med hjelp av gode bibliotekassistentar.

Målet med Lesemeisterskapet 2026 er å inspirere elevane til meir lesing i skuetida – kvar dag. Vi ønskjer å skape gode lesevanar og leseopplevingar ved skulen.

Premiering

🏆 Klassen med høgast poengsum får gåvekort!
🥇 Vi kårar ein elev frå 1.-4. steg og ein frå 5.-7. steg som beste leseelevar. Desse vil bli premiert med gåvekort som kan nyttast på Norli!