Startlån hjelper fleire inn på bustadmarknaden

Startlån er ei bustadsosial låneordning gjennom Husbanken som Sunnfjord kommune forvaltar. Ordninga skal hjelpe personar og familiar som over tid ikkje får lån, eller ikkje får stort nok lån, i ordinær bank. Målet er å gi fleire høve til å få ein trygg og varig bustad.

Kommunestyret vedtok 24. september å auke låneramma for ordinært startlån i 2026. 

Ei viktig ordning for familiar

Barnefamiliar er ei av dei viktigaste målgruppene for startlån. Ein stabil bustad kan gi tryggare oppvekstvilkår for barn og redusere behovet for å flytte ofte.

Startlån kan også vere aktuelt for:

  • personar med uføretrygd som hovudinntekt
  • familiar som må etablere seg på nytt etter samlivsbrot eller andre livskriser
  • husstandar som står i fare for å miste bustaden og treng refinansiering for å kunne bli buande

Ordninga er behovsprøvd, og ikkje alle som søker får innvilga lån.

familie i hus med baby - Klikk for stort bilete

Grundige vurderingar av kvar søknad

Når kommunen behandlar ein søknad om startlån, vurderer vi både bustadbehovet og økonomien til søkaren.

Søknadene blir behandla av ei tverrfagleg startlångruppe med deltakarar frå NAV, økonomi, tildeling og service. Gruppa møtest om lag kvar tredje veke for å sikre gode og likebehandlingar av søknandane.

359 aktive startlån i Sunnfjord

barn som flytter - Klikk for stort bilete

1. november i år forvaltar Sunnfjord kommune 359 aktive startlån med ein samla utlånsportefølje på om lag 511 millionar kroner. Så langt dette året er det registeret 101 søknader. I tillegg til søknader om førstegangsetablerarlån.

Gjennomsnittleg lånestorleik er om lag 2,16 millionar kroner. 78 prosent av dei som får innvilga startlån, er barnefamiliar.

Få kvalifiserer for førstegangsetablerarlån

Lån til førstegangsetablerarar er ei nyare ordning frå Husbanken. Ordninga skal hjelpe personar som kjøper bustad for første gong, eller som må etablere seg på nytt etter til dømes samlivsbrot.

Sjølve namnet kan gi inntrykk av at ordninga er retta mot unge førstegangskjøparar generelt, men  dette er  framleis ei bustadsosial ordning med avgrensa vilkår. Dei to siste åra har kommunen motatt 19 søknader om førstegangsetablerarlån, der tre fekk dette innvilga.

Les meir om Startlån