Gjennom ordninga kan frivillige lag og organisasjonar søkje om støtte til aktivitetar og tiltak som gir barn og unge moglegheit til å delta, oppleve meistring og bygge sosiale fellesskap. Tiltaka kan vere knytte til fritid, kultur, møteplassar eller andre inkluderande aktivitetar for målgruppa. 

Sunnfjord kommune har ei viktig rolle i ordninga. Kommunen skal vurdere og rangere dei lokale søknadane ut frå lokale behov, planar og målsettingar for barn og unge. Rangeringa må vere forankra på politisk eller administrativt nivå i kommunen, og ungdomsrådet skal få moglegheit til å uttale seg før rangeringa blir sendt til Bufdir. 

Vi veit at gode møteplassar og meiningsfulle aktivitetar kan bety mykje for den enkelte. Når frivilligheita, lokalsamfunnet og kommunen arbeider saman, skaper vi fleire moglegheiter for at barn og unge kan kjenne seg inkluderte, utvikle vennskap og oppleve at dei høyrer til.

Saman kan vi leggje til rette for eit oppvekstmiljø der alle får moglegheita til å delta og vere ein del av fellesskapet. 

Les meir om ordninga og søk her på Bufdir.no