På grunn av tekniske problem knytt til Microsoft, får vi ikkje publisert sakene til kommunestyret i møteplanen på kommunen si nettside eller i møteportalen for folkevalde før måndag 16. november.
Saklista med lenke til saksdokument og anna informasjon om møtet blir likevel lagt ut fredag 13. november.
Sakliste kommunestyre 19. november
Møtestad: Festsalen, Førdehuset
Møtetid: kl. 10.00
Sak 091/26 Godkjenning av innkalling og sakliste
Sak 092/26 Orienteringssaker
Møtet byrjar med orientering om rapport om organisering av kjøkkentenesta, alternative modellar for drift og kostnadar v/Konsulent Margrethe Lillebø frå HRP (45 minutt)
Etter lunsj, kl. 12.30 blir det orientert om følgande saker:
- Samordning av Lokale rus- og kriminalitetsforebyggende tiltak (SLT) v/ungdomskoordinator, og utekontakter (25 minutt)
- Startlån og ordning for førstegongsetablerarar v/Linn Marie Sunde, saksbehandlar (20 minutt)
Sak 093/26 Prinsippavklaringer - planinitiativ med vegtilkomst for Detaljregulering Steia Panorama
Lenke til saksdokument.
Innstilling frå formannskapet 13.11.2026:
Kommunestyret gjev følgande planfagleg råd:
- Kommunestyret tek planinitiativet for Steia Panorama til orientering.
- Utbyggar i samarbeid med kommunen, arbeider vidare med ein tilkomst som stettar krava for tilkomst for både bilistar og mjuke trafikkantar til Steia Panorama.
- Hovudtilkomst til Steia Panorama skal føretrinnsvis komme frå sørvest via Hjortelia, i det vidare reguleringsarbeidet for Steia Panorama.
Sak 094/26 Visningssenter ved Astruptunet – tilleggsfinansiering
Lenke til saksdokument.
Innstilling frå formannskapet 13.11.2026:
- Sunnfjord kommune legg til grunn ei revidert kostnadsramme for visningssenteret ved Astruptunet på 171,8 mill. inkludert meirverdiavgift og prisvekst. Det må takast høgde for at byggestart vert utsett i påvente av fullfinansiering. Øvre ramme for bygg og utomhusanlegg vert fastsett til 160 mill., resterande skal setjast til prisvekst.
- Sunnfjord kommune løyver netto 5,5 mill. kroner i auka kommunal finansiering til prosjektet.
- Tilleggsløyvinga på netto 5,5 mill. kroner vert finansiert gjennom forventa gevinst frå sal av Enivest-aksjar.
- Løyvinga skal sikre at Sunnfjord kommune opprettheld sin del av finansieringa i tråd med den fordelingsnøkkelen som tidlegare har vore lagt til grunn for prosjektet.
Sak 095/26: Årsmelding Mobbeombodet i Vestland
Lenke til saksdokument
Innstilling frå utvalet for oppvekst og kultur 11.11.2026:
Kommunedirektøren tilrår at årsmeldinga vert teken til vitande.
Sak 096/26: Referatsaker
Blir publisert når innkallinga blir publisert på måndag 16.11.2026.