Den nye strategien

Strategien peikar ut retninga for korleis kommunen skal utvikle helse- og omsorgstenestene dei neste 25 åra. Målet er at innbyggarane skal få rett hjelp til rett tid, samtidig som tenestene er berekraftige også i framtida.

For å møte utviklinga legg strategien vekt på førebygging, tidleg innsats og tenester som gjer det mogleg for fleire å bu trygt heime lengst mogleg. Samtidig skal vi ta i bruk nye arbeidsmåtar, teknologi og sterke fagmiljø for å møte aukande behov.

Strategien inneheld ikkje vedtak om konkrete endringar i tilbod eller lokalisering av tenester. Den er eit grunnlag for vidare planlegging og framtidige politiske vurderingar av helse- og omsorgstenestene våre.

Gjennom strategien ønskjer vi å vere i forkant av dei utfordringane som kjem, slik at også framtidige generasjonar kan få gode og trygge helse- og omsorgstenester.

Pexels ved Arind D