Dagtilbod for eldre og personar med demenssjukdom

Dagtilbod er tilbod til heimebuande eldre, og personar med demens. Her får du høve til å delta i eit fellesskap, og fylle behovet for sosialisering og aktivitet.

Kven kan få tilbodet?

Dagtilbod er eit tilbod til eldre, og menneske med demenssjukdom.

Dagtilboda for eldre har 10 plassar kvar dag. Dette er tilbod for heimebuande eldre som ynskjer sosialt samvær. Her er det tilbod om ulike aktivtetar, som t.d handarbeid, trim, spel, song og musikk – alt etter brukarane sine interesser og ynskjer.

På dei tilrettelagde dagtilboda for personar med demens er gruppene mindre – fem plassar kvar dag. Ein har tilbod om dei same aktivitetane som på eldretilboda, men gruppene er mindre for å sikre tettare oppfølging.

Alle dagtilboda følgjer same dagsrytme. Her får du frukost, lunsj og middag, ulike aktivitetar og sosialt samvær.

I tillegg til dagtilboda er det vekentlege møteplassar for seniorar/eldre rundt om i kommunen. Desse er drivne av frivillige og ikkje søknadspliktige. Informasjon om tid og stad med meir ligg i aktivitetskalendaren

Vårt mål er å

  • gi tilbod om aktivitetar
  • bryte einsemd og etablere kontakt
  • gi avlasting til pårørande
  • lage eit miljø der tryggleik og glede står i fokus
  • skape kontakt mellom dei som bur heime og dei som bur på institusjonen

Dagtilbod for eldre i Sunnfjord kommune

Kva kostar det?

Slik søker du 

Du brukar felles søknadsskjema for helse- og omsorgstenester for å søke om dagtilbod. 

Søk om dagtilbod elektronisk skjema

Søk om dagtilbod papirskjema 

Korleis blir søknaden behandla og kor lang tid tek det?

Når du søker om helse- og omsorgstenester er det tildelingseininga som behandlar søknaden. Vi vil ta kontakt med deg slik at det kan bli gjort ei kartlegging av dine behov for hjelp. Deretter vert det gjort eit vedtak.

Vi behandlar søknaden så raskt som mogleg. Dersom vi ikkje kan avgjere søknaden innan ein månad, skal du ha skriftleg melding om grunnen til det.

Har du spørsmål, ta kontakt med

  • Tildelingseininga på telefon 57 72 20 05, måndag–fredag klokka 10.00–14.00, om spørsmåla gjeld søknaden. 
  • Konst. Assisterande einingsleiar for dagtilbod for eldre: Oddlaug Wergeland Kvame , telefon 45 87 73 16
  • Førde dagtilbod demens (Veglo 5), telefon 99 11 51 14
  • Førde dagtilbod for eldre, telefon 95 94 45 43 Naustdal dagtilbod demens, telefon 48 28 61 83
  • Skei dagtilbod for eldre, telefon 47 68 85 70 Sande, dagtilbod demens, telefon 47 68 97 87
  • Sande, dagtilbod eldre, telefon 47 68 97 87
  • Demenstelefonen i Førde: 41 45 20 66
  • Nasjonalforeninga for Folkehelse har ein informasjons- og rådgivingstelefon: Demenslinja 23 12 00 40

Kan du klage om du ikkje får innvilga søknaden? 

Dersom du er misnøgd med vedtaket, kan du klage til kommunen innan ein frist på fire veker frå du fekk brevet. Forklar kva du er misnøgd med, og kvifor du meiner vedtaket bør endrast. 

Tenestestandard og lover