Avdelingar

Tommeliten 0-3 år

• 99 09 43 05

Askeladden 2-6 år

• 99 09 42 84

Tussero 2-6 år

• 47 68 28 31

Veslefrikk 0-3 år

• 99 09 42 98

Årsplanen 

Årsplanen vår er eit abeidsdokument for personalet. Planen følgjer kalenderåret. Planen vert fastsett i Samarbeidsutvalet.

Vieåsen barnehage årsplan 2026-2028.pdf (PDF, 2 MB)

Rammeplan for barnehage

Sjå rammeplanen for barnehage

Temaplakat

Alle avdelingar har Temaplakat for kvar månad  - denne vert lagt ut i Visma til foreldre - vi legg ikkje ut temaplakatane på heimesida. Vi legg ved eit eksempel - slik at de ser korleis vi jobbar dei ulike månadane.

• temaplakat oktobernovember22 Askeladden og Tussero (PDF, 453 kB)
• Oktober- November - Veslefrikk og Tommeliten (PDF, 2 MB)

Fagleg forankring

• Tryggleiks-sirkelen:  Personalet har opplæring i å regulere barnet sine følelsar, hjelpe dei til å bli trygge og skape gode relasjoner. Dei vaksne skal vere større,.strekare og klokare på ein god måte. 
• Mitt val: er eit program i sosial læring og utvikling. Fokuset er å øve på ferdigheiter som ein treng for å være ilag med andre og å ta vare på seg sjølv. Bamsen Leo er ein viktig del av programmet – Leo snakkar gjennom den vaksne og får barna til å reflektere og gjere ulike aktivitetar.
• Språk: Prosjektet skal sikre tidleg og god språkutvikling for barna i Vieåsen barnehage. 
  Frå barnet startar som eitt åring til det går ut av Vieåsen barnehage, skal barna møte eit stimulerande språkmiljø. Språkarbeidet skal  bli meir systematisk gjennom at vi har gode verktøy for språkinnlæringa og personalet skal ha nok kunnskap.
• Fysisk aktivitet: Barnehagen legg vekt på at barna blir motivert for fysisk aktivitet både inne og ute i barnehagen. Vi har veldig flott nærområde der barna får utfalde seg i akebakke, gå i motbakkar til dagsturhytta Gytta, klatre i tre og utforske naturen. Inne har vi gym-kjellar der barna får gode høve til motorisk trening. Det same gjeld inne på småbarnsavdelingane, med ribbevegg, stepp og matter. Fysisk aktivitet har stor innverknad på anna læring for barnet.

Planleggingsdagar

• Her finn du oversikt over planleggingsdagane til kommunale barnehagar i Sunnfjord kommune

 Barn og foreldre har medverknad i Vieåsen barnehage.

Barn sin medverknad

Barna skal i fellesskap med personalet planlegge og vurdere barnehagekvardagen. Personalet skal legge til rette for at barna får høve til å medverke og vi skal vere tydelege på kva endringar barna har medverka til. Personalet skal lytte, sjå og gje barnet tid til å fortelje. Vi bekreftar barna sine initiativ og intensjonar. Men det er personalet som er ansvarlege for innhaldet i barnehagen.

Foreldremedverknad

Foreldra får medverke til innhaldet i barnehagen gjennom  foreldre representanten på avdelinga. Vi har brukarundersøking kvart andre år som legg grunnlag for vidare drift. Ellers har vi foreldremøte, foreldresamtaler og dagleg kontakt i hente og bringesituasjonar.

Det er individuelt kor lang tid barnet treng på tilvenninga. Ofte er det 3 dagar du har rett på frå arbeidsgjevar, men mange barn treng lenger tid for å bli trygge i barnehagen. Hovudregelen er at det er viktig å bruke god tid. Dei første dagane bør ikkje vere for lange, spesielt dersom barnet viser teikn til at det er slitsomt å vere i barnehagen.

Første dag møter de primærkontakten til barnet. Opphaldet har ei ramme på 2-3 timar, kor foreldrene er med heile tida. 
Andre dag ønskjer vi at barnet er i barnehagen litt lenger enn dag ein. Barnet kan gjerne kvile/sove visst det er aktuelt. Foreldra legg barnet med primærkontakt til stades. Denne dagen kan foreldra gjerne ta seg ein liten tur vekk frå barnehagen etter avtale med barnet og primærkontakten. 
Tredje dag kan barnet truleg ha ein lenger dag i barnehagen. 

Primærkontakt eller ped.leiar, og den enkelte forelder planlegg resten av tilvenningstida, utifrå korleis barnet har reagert dei første tre dagane. 

Barnet skal vere kledd slik at det til ei kvar tid kan delta i leik og aktivitetar inne og ute. Ein hovudregel er at barnet har 3 sett med skifteklede, innesko, støvlar og regnklede i barnehagen til ei kvar tid. Vinterstid må barnet i tillegg ha vottar, huer og ein god varm dress. Elles godt med varme klede som t.d ull og fleece. 

Barn som brukar bleier tek med dette sjølve. 

Dei barna som går på Veslefrikk søv i vogn i vognhuset, foreldra tek med eigna vogn heimanfrå. Foreldre er ansvarlege for at vogna er i forsvarleg stand og har det utstyret som trengst (td. varm pose, myggnetting og sele).
Dei barna som går på Tommeliten søv inne på soverommet, barnehagen ordnar med seng og dyne.

Barn som er avhengig av smokk, flaske, kosedyr/koseklut osv., kan sjølvsagt ha med seg dette heimanfrå.

• Allmenntilstanden til barnet avgjer om barnet er frisk nok til å vere i barnehagen.
• Barnet må vere friskt nok til å vere ute.
• Barn som er sjuke skal ikkje vere i barnehagen, av omsyn til barnet sjølv og med tanke på smitte til dei andre i barnehagen. 
• Ved diarè/oppkast, skal barnet vere heime 48 timar etter siste utbrot.
• Går barnet på penicilin, kan personalet gi dette, mot kvittert løyve frå foreldre.

Er du fortsatt usikker på rutinane? Kontakt personalet på avdelinga.

Du finn og informasjon om barns sjukdom på folkehelseinstituttet (FHI) sine sider:
FHI, når må barnet være hjemme fra barnehagen?

Det er viktig at du informerer godt dersom barnet har allergiar eller er intolerant for enkelte matvarer. Skriv på helseskjema.
Dette for at personalet og foreldrene i avdelinga skal kunne ta nødvendige førehandsreglar for ditt barn. 

• Treng barnet akuttmedisin pga allergi, er du ansvarleg for at personalet får den opplæringa som trengst. Opplæringa kan og gjevast av helsepersonell. I slike tilfeller skal det også fyllast ut medikamentliste saman med personalet. 
• Vanlegvis handlar barnehagen inn mjølk, brød og pålegg til barn som er intolerant mot enkelte matvarer. I spesielle høve må foreldre ordne dette sjølve.